كتابة البحث العلمى

الفرق بين “الماجستير” و “الدكتوراه”

هل "المهنى" يختلف عن الأكاديمي؟

الماجستير يعلمك كيف تبحث بشكل علمى ومنهجى
بينما الدكتوراة هى كيف تضيف للعلم
الماجستير والدكتوراة عبارة عن دراسة مادة علمية على شكل كورسات رئيسية تساعدك على أن تقوم ببحث وافى لنيل درجة من الدرجتين السابقتين

– ما الفرق بين الدبلومة المهنية والماجستير المهنى والدكتوراة المهنية والشكل الأكاديمي للحالات الثلاث ؟
المهنى هو نفس الأكاديمى ولكن المهنى يميل الى الجانب التنفيذى العملى أكثر من النظرى ويتوقف مدى اعتماده على كفاءة الجهة المصدرة للشهادة.

– كيف اختار موضوع الماجستير ..؟؟

  • يجب أن يستفزك البحث تجاه قضية معينة
  • يجب أن يكون متناسب ومتناغم مع فكرة البحث
  • يجب أن يستطيع الباحث على حد أدنى من المراجع والمصادر
  • يجب أن يكون مرتبط بجهة عملك أو ما تفهم فيه
  • يجب أن يكون متناسب مع احتياجات السوق ليس بالضرورة بشكل ربحى ومالى ولكن تسويقه على المستوى الاجتماعى على الاقل
  • من الافضل أن يكون له بعد وطنى
  • يقدم إضافة فى الحقل أو المجال

– كيف يتم عمل البحث ؟ “ماجستير – دكتوراة
القضية : عندما تكون هناك قضية تشغلنى .. فالبحث هنا إما عن أسباب المشكلة وإما هى حل للمشكلة عن طريق أول شىء فروض البحث وهى عبارة عن تخمينات لأسباب المشكلة يعنى لازم أسأل مجموعة أسئلة لنفسي قبل إى شىء .
المصادر : مراجعة الدرجات العلمية المنشورة فى القضية أو فى أحد عناصرها – مشكلات المجتمع من المصادر من خلال الصحف والمجلات ومواقع الانترنت – مؤسستك التى تعمل فيها – محيطك الاجتماعى والمادى

– كيف تدير خطة حياتك البحثية ؟
اولاً : إدارة وقتك بشكل جيد لتحقيق المستهدف عن طريق تقسيم الوقت ويجب أن تكون مرتبطة بزمن

طريقة أختيار موضوع الماجستير ؟؟
أزاى أقدر أختار موضوع الماجستير من أول يوم لازم تفكر فى موضوع الرسالة ولازم يكون يصلح للماجستير علشان بعض الموضوعات تنفع تكون دكتوراة مش ماجستير
عن طريق انك تركز فى ما يحيط بك من موضوعات تصلح للبحث وتدخل تدور عليه على الانترنت وفى المكتبات فى الرسائل المنشورة.

كيف تختار المشرف على الرسالة ؟
أنت كباحث لسه جديد ممكن تكون متعرفش الدكاترة .. أزاى أقدر أدور على مشرف اسجل معاه الرسالة
المشرف زى أبوالعروسة هو الشخص اللى فى ايده يتمم لك الرسالة أو أنك تتعطل كتييير قوى .. هو المساعد والمدير لازم شوية شروط 3 على الاقل يكونوا متوفرين فيه : ” أولا الكيميا يعنى لازم ادور على مشرف فى كيميا بينى وبينه درجة أولية من التفاهم – ويكون عنده وقت يقدر يقعد معايا فيه – والأهم أنه يكون متخصص فى النقطة بتاعتك”
طيب أن اقدر اعرف الحاجات دى ازاى هننبدأ من الاخر للأول انى ادخل على الموقع بتاع الكليات الأهم والأشهر فى التخصص اللى ناوى أعمل فيه الماجستير وابدأ اطلع أسماء الدكاترة اللى فى التخصص وغالباً اسماءهم ودرجاتهم العلمية بتكون على المواقع الخاصة بالجامعات طبعا لو الجامعة قريبة من محل سكنى وعملى يكون أفضل ولو أنا بدرس فى مكان معين زى حالتنا دى يبق الدكاترة فى القسم أولى.
بعد ما اعرف الدكاترة ابدأ عملية التقصي وجمع المعلومات أحضر كام محاضرة لكل دكتور على الاقل 3 محاضرات أعرف أسلوبه علشان اقدر اتأكد من الجزء بتاع الكيميا اللى بينى وبين الدكتور وكأنى هخطب بالظبط عروسه ورايح اعرف أهلها. بعد كده أسأل فى لجنة حجز المناقشات واحضر له كام مناقشة أشوف أسلوبه مع الباحث وبعد كده ننزل المكتبة نشوف الرسايل بتاعة الدكتور أو الرسائل بتاعة الزملاء اللى هو أشرف عليها .. الجزء التالت أنى اطلع على ادارة الدراسات العليا واعرف هل الدكتور ده مكتمل النصاب ولا لسه عندى مساحة انه يقبل الاشراف على الطلاب كل دكتور ليه نصاب معين فى قبول الاشراف
ممكن ان النقطتين الاولى والتانية تمام بس هو معندهوش فرصة انه يشرف على رسالتى
ممكن يكون معاك موضوع عبقرى بس المشرف اللى معاك ينسفه وممكن العكس يكون معاك موضوع ضعيف بس المشرف بخبرته العلمية واسلوبه يرفع موضوعك ويدعمه ويساعدك فى انه يعمله بحث بجد ليه قيمة ويفيدك أنت بشكل شخصى.

قيم هذا المقال

0%

تقييم المستخدمون: 4.6 ( 1 أصوات)

اظهر المزيد

أحمد الدراوى

صحفى ومدون مصري .. أهتم بمجال التقنية والتطبيقات واعشق فنون الكتابة والتحرير الصحافي .. ومنغمس فى مجال البحث العلمي والأكاديمي .. أميل لمعرفة كل جديد حول فنون التصميم والجرافيك المختلفة

مقالات ذات صلة

شارك معنا برأيك فى هذه المقالة

زر الذهاب إلى الأعلى
error: Content is protected !!